新加坡天后孫燕姿早前被網民稱為「冷門的新加坡華語女歌手」，佢冇嬲豬之餘仲自嘲：「冷門歌手感謝大家的關注。很快要有新歌。」大氣嘅處事手法真係贏盡掌聲，尋晚佢更新社交平台，不過就唔係實踐出新歌，而係罕有地上載同老公加一子一女嘅溫馨合照，紀念佢同荷蘭籍老公納迪姆結婚10周年，佢留言：「Happy ten years！」一向將感情事低調處理嘅佢突然送驚喜，好多粉絲都有留言祝福佢哋要一直恩愛落去，不過亦有人表示，晒恩愛之餘都要繼續努力創作新歌！
東網網站 : https://on.cc/
東網Facebook專頁 : https://www.facebook.com/onccnews/