吳業坤旅行險被偷嘢　猖狂扒手事敗即舉中指挑機

歌手吳業坤近日偕日籍太太濱口愛子到瑞士旅行，享受二人世界，他稱以往飛歐洲均為工作，今次是首次到當地純遊玩，不過就感嘆物價昂貴，又上載旅行相，當中有在日落背景下兩枝啤酒相，感覺非常寫意，又有多張獨照，但只有一張同太太嘅合照，網民笑言終於見到阿嫂，大讚兩人好甜蜜，又讚太太鏡頭下嘅吳業坤有型。

不過歡樂嘅時間唔係維持咗好耐，因為佢哋轉戰到意大利米蘭時，就差啲被扒手偷嘢，佢自爆搭地鐵時，就遇上猖狂小妹妹扒手：「個個Fd都話米蘭多賊，啱啱搭地鐵畀個小妹妹伸手入我袋，好彩發現到，佢偷唔到仲要畀隻中指我，黐線！」佢事後仲大晒自己當日衣着，嚇到佢即刻話要返去換套衫再出門口，不過都算有驚無險。

東網網站 : https://on.cc/東網Facebook專頁 : https://www.facebook.com/onccnews/