港姐2024｜「最佳女主持」麥美恩表現有讚有彈 網民指太嘈 獲撐細心懂執生

《2024香港小姐競選決賽》昨晚（15日）結束，今屆由司儀﹑評判及表演嘉賓全女班上陣，無綫總經理曾志偉表示這個安排配合今屆港姐女性主題，亦希望給予機會新人，讚全女班司儀的麥美恩（Mayanne）﹑陳貝兒﹑莊子璇﹑何沛珈及陳懿德做得流暢值90分。

有網民對「最佳女主持」的Mayanne表現反應兩極，有網民指她的聲量太大﹑吵耳欠莊重，甚至指她的聲線趕客，感覺似嗌交：「佢把聲好入咪，同埋佢好鍾意人哋講緊嘢，又加埋把嘴一齊講，結果佢把聲又大又嘈，蓋過人哋把聲。」

有網民讚Mayanne懂執生，事源當冠軍倪樂琳戴上后冠繞場時，她的后冠「危危乎」就跌下來，Mayanne連忙走上前幫她整理及戴好后冠，有網民表示：「見到你唔止做得好，仲好細心咁行快兩步去扶住冠軍（重點你條裙咁蝦人著，你都9秒9行到咁快），又幫佢（冠軍倪樂琳）整番正個后冠，呢啲位睇得出你好專業。人靚心更靚。」﹑「Good job Mayanne，全能司儀當之無愧呀。」﹑「好欣賞你對人的細心，留意每個細節，加油。」等。

（即時娛樂）