湯洛雯、馬國明認愛已經兩年多,不時在IG放閃好恩愛。早前楊卓娜在IG分享的《愛‧回家》聚會相片,馬國明更被指以湯洛雯「家屬」身份出席。而早前馬國明在陳敏之YouTube頻道做嘉賓,亦提到「第時我哋有咗仔女」後的生活,似乎已經準備好拉埋天窗。
訪談中馬國明每當提到湯洛雯都會甜笑,而陳敏之問到湯洛雯是否好老婆時,馬國明就回答:「好難答呀呢個問題,佢好大頭蝦,佢成日唔見嘢。」更說到未來有子女的話:「嗰啲考試證明書你全部都唔見晒咗,出世紙都可以唔見。我都好擔心佢,佢有時行行吓街都跌親,我哋都會研究呢啲問題。」更說大肚後怕她跌到:「係呀,都唔知點算好。」而說到婚禮,馬國明則指希望在外地海邊舉行。