30秒帶你探索赤柱秘境　歷史建築最啱打卡

赤柱大家去開可能就係佢嘅市集，同埋美利樓
但你又知唔知除咗呢兩個地方之外，仲有另外兩個好值得去探索嘅spot…?

第一個就係香港二級/三級歷史建築 - 八間屋
佢係由八間古舊建築風格小屋連成一排而成
當中有七間係二級歷史建築一間係三級歷史建築
綠色三角屋頂，配合紅色牆身充滿復古香港風格，唔少途人都喺度打卡
但呢啲小屋而家都仲有人住，所以要注意唔好打擾到居民

第二個就係赤柱大街旁邊嘅位置
有一條小路可以走出海旁，去到一堆延伸出海面嘅石頭上
一路走到最頂可以俯瞰赤柱海旁景觀
不過要小心注意安全