鍾嘉欣花旦造型曝光　顏值不遜當年《公主嫁到》

女星鍾嘉欣近年長駐加拿大相夫教子，間中才四圍飛登台搵真銀，熱愛唱歌的她，去年底曾揚言望趁今年出道20周年日子舉行演唱會，沒料近日真的夢想成真，有網友爆料指她將於今年8月在廣州舉行演唱會，雖然網友半信半疑，更指內地審批手續繁複，揚言非官宣不信。不過，嘉欣接受東網訪問時承認即將開唱：「真係好期待，因為都已經好耐冇見內地粉絲，好想同佢哋敍舊。（有咩要準備？）會準備好多一齊共同成長嘅回憶歌，同埋好多深情嘅對話，到時一次過送晒畀粉絲。」

鍾嘉欣今日（24日）現身廣州為演唱會宣傳並且現身電台接受訪問。有網民捕獲她身穿粵劇戲服於廣州四處現身。相中所見，鍾嘉欣身穿牛仔外套亮相電台節目，其後化身粵劇花旦穿上了粉紅粵劇戲服擺pose影相。狀態極高的她靚過當年拍攝劇集《公主嫁到》，皮膚白裏透紅保養得宜。

東網網站 : https://on.cc/東網Facebook專頁 : https://www.facebook.com/onccnews/