MIRROR成員李駿傑（Jeremy）昨日（10月10日）接受商台節目《早霸王》訪問，期間被問到以往感情事，當提到初戀時，他自爆初戀只維持短短4日，最後更承認至今仍未獻出初吻，嚇到森美、小儀和梁嘉琪大叫。
節目中，小儀問Jeremy感情路上，有沒有試詔一些熾熱的感覺，Jeremy說：「我誠實啲咁答你，我未試過呢啲感覺，我嘅初戀得4日㗎咋。我做過啲咩呢，拖手去睇過一次戲，就冇喇！」森美大讚Jeremy很fresh，要摸摸他。
Jeremy表示自己很怕醜，就算暗戀都不敢直望對方，「遠遠地望住佢就算嗰啲。我唔夠膽講，就算依家都唔夠膽講，我成日同friend講，佢哋話『可能你未經歷過，完全唔知點同人喺呢方面相處，你根本上唔識，人哋又get唔到；或者如果遇到一個唔主動嘅人，其實根本唔會畀人覺得你好想去拍拖。』」
Jeremy透露以前都是由女方主動追求他，「一路都是被動」。小儀追問有否試過飲恨，Jeremy透露曾與好朋友喜歡同一女生，他說：「當時我覺得『吖，唔係喇，如果我唔再講，可能我就冇機會喇！』跟住我鼓起勇氣表白，但我下一句就係『我哋唔使一齊㗎！我淨係想話畀你知，我鍾意你！』跟住佢就同咗另外嗰個男仔一齊」，Jeremy笑指自己是懦夫：「因為我怯，懦夫，我驚佢拒絕我，所以我拒絕咗佢先」，Jeremy表示現在活動很多，有時要出trip，很少時間考慮拍拖。「我依家完全冇諗，隨緣，佛系！」。
小儀問Jeremy有沒有被初戀女友奪去初吻？Jeremy表示沒有，森美追問是否「你初吻未走？」Jeremy：「初吻，未試過」，嚇到森美、小儀和梁嘉琪大叫。Jeremy表示如果工作需要，都不需要保留初吻。
森美驚訝表示「咁大單新聞」。小儀說：「嗰陣參加比賽嘅時候，姜濤就出咗名係嘅，姜濤話冇拍過拖。」Jeremy說：「我好開心姜濤幫我頂晒所有嘢」、「我覺得我同姜濤都係怕醜仔，同埋內向，我同佢以前都係好唔自信嘅人，所以係唔夠膽拍拖，人哋追你都覺得算啦唔好搞咁多嘢。」森美表示，所以Jeremy和姜濤都有種令人想照顧他們的感覺。森美之後在社交平台貼出合照，寫道：「Nice chatting with you。好真誠，要全力保護嘅稀有品種。真係Pure！初吻之珍藏保存」