近日復活節長假，不少港人都離港旅行或北上消費，歌手譚嘉儀選擇留港，她還在社交網推介香港好去處，她寫道：「Long weekend好多人都飛咗，或者去第二度玩~我就留咗喺香港，又去行山啦，好耐冇嚟過南丫島，呢度睇日落真係好靚」並上載了多張靚相，相中她身穿小背心及牛仔短褲，大騷小蠻腰及長腿，網友就讚她比日落還吸睛。
另外，嘉儀日前上載了一條搞笑短片，片中她開着車，突然被截停，問她叫甚麼名？她表示：「我叫嫻德，姓李。」對方謂：「李嫻德！（你行得）」嘉儀聽到即時開車走，短片上載短短兩日已有逾40萬瀏覽量，粉絲笑言短片無聊得來又好笑，叫她多拍，有網友發揮創意留言問「你阿妹係咪叫李嫻仙？」
東網網站 : https://on.cc/東網Facebook專頁 : https://www.facebook.com/onccnews/
