冷鍋酸菜魚湯底火鍋　嘆埋正宗川菜小菜｜旺角｜捌壹壹

出邊酸菜魚/川菜食得多，但結合做邊爐嘅其實唔多，特別係啲酸菜魚湯底，多數一係太淡，一係魚唔夠嫩，但呢到就唔同，用真正嘅酸菜魚黎打邊爐。

每次講起呢間川菜，都一定有人大讚佢地嘅酸菜魚，食完之後仲可以開火打邊爐，用原汁魚湯去打，索哂湯底啲精華，一班人仲可以食下正宗小菜。

-
🥘冷鍋酸菜魚 ($240)
以酸菜魚黎講，佢地都真係最好食果啲級數，用上新鮮魚片，肉質真係超滑嫩，湯頭又鮮甜，花椒辣椒足料正宗，熬得麻辣而不膩。

火鍋料：
🥢手切安格斯雪花肥牛 (+$228)
🥢凍豆腐 (+$38) 🥢午餐肉 (+$55)
食完酸菜魚，仲可以原湯打邊爐，唔係平時果啲頹酸菜魚湯，湯底真係濃郁果種，拎黎打邊爐都真係超夠味，而且啲牛雪花都夠靚夠肥美。

🥓尖椒皮蛋 ($43)
大大份正宗尖椒皮蛋，用上黃金皮蛋，蛋白滑蛋黃厚，尖椒醬汁惹味，辣得夠爽快。

🦐辣子大蝦 ($190)
🍗雙椒雞丁 ($170)
呢到川菜一向正宗，前者大蝦爆到連殼都食得，外脆內爽彈，麻辣中又夠鮮甜，後者混入唔同配料，辣得黎又帶點清爽，越食越上癮。

🍹Somersy Crush ($45) 🍹芒果沙冰 ($46)
🍨黑糖糍粑 ($43) 🍧紅糖桂花冰粉 ($33)

-
捌壹壹
🗺️旺角奶路臣街33號地下F號舖
📞2481 3030
❇️銅鑼灣都有分店，而且果間有串燒~

生活