有睇開日本AV嘅朋友，應該都可以了解到電車癡漢系列都算係一大路嘅AV類型，當中女優喺搭車時被成群癡漢圍攻嘅場面可以話令AV迷睇到興奮無比！而喺現實當中，日本女性喺乘搭公共交通工具嘅時候，喺車廂當中遭遇癡漢非禮嘅情況亦時有聽聞，因此公共交通工具營辦商為咗保障女乘客嘅安全而花咗好多心機，包括設立女性專用車廂等。到最近，JR東日本為進一步打擊癡漢行為，推出咗「癡漢對策App」(痴漢対策アプリ)，女乘客們下載咗個App之後，萬一不幸地遇到癡漢對自己做出越軌行為，CLICK個App就可以向車站職員通報，繼而相關職員就會透過車廂廣播系統，向所有乘客作出廣播，同大家講：「某某乘客遇上癡漢。」，或者表示：「如有發現癡漢請作出通知。」，又或者話：「X號車廂有乘客通報受到癡漢騷擾。」。做得癡漢梗係鬼鬼竄竄，最怕就係畀其他人知道，家陣被人發現仲要大大聲話人晒畀成車人知喎，相信癡漢真係嚇到鼻哥窿都冇肉，阻嚇作用一流！睇怕班癡漢真係冇運行喇！
東網網站 : https://on.cc/
東網Facebook專頁 : https://www.facebook.com/onccnews/
