【一直當女友係家人】落選港姐廖慧儀男友Sam自爆遭狠飛

有「狂野空姐」之稱的落選港姐廖慧儀，和男友Sam拍拖1年半，二人不時在網上放閃，但日前Sam卻在社交網突然點名「警告」，叫無綫藝人孔德賢（Danny）不要再找他女友，其後經廖慧儀向Sam解釋，她跟Danny只是朋友關係，又指男友飲醉引起誤會，事件已平息，Sam亦表示信任女友。

言猶在耳，昨晚Sam失驚無神又在Instagram貼了和廖慧儀「蜜」照，不過留言就自爆被女友狠飛，他寫道：「同你一齊呢一年半，大大小小傷心既（嘅）事我都陪你經歷過，係（喺）你有低潮困難既（嘅）時候，我從來無離開過你身邊，而點會你要選擇咁樣對我，去報我一年半對你既（嘅）所有付出。我一直當你係一家人，點解要選擇因為1d（一啲）小問題，而突然狠心離開我，係咪因為入左（咗）娛樂圈，擴闊左（咗）眼界，回頭看所有野（嘢）覺得我甚麼都不是？」不過之後Sam又刪走此貼文，而他的Ig依然保留和廖慧儀合照，不過廖慧儀的Ig就見不到和男友合照。

（即時娛樂）