【仲乜咁趕】默認711小登科 洪永城急住做老襯疑似雙喜臨門

日前《頭條日報》率先爆料，指洪永城同梁諾妍 (Inez)嘅秘密婚宴日期係本月11日，場地喺尖沙咀K11 Musea旁邊嘅瑰麗酒店舉行，Tony再三被追問婚期時，雖然他依然口密話唔透露住，聲稱總之大家好快就會知道，但就冇否定711係結婚吉日。同時又承認只會發e-invitation，唔會逐個派喜帖，跟本報報道完全脗合。
目前洪永城仲忙緊拍TVB新劇《凶宅清潔師》，Tony首次擔任監製兼男一。開工同時，仲要籌備婚事。對於未婚妻梁諾妍都忍唔住指他對婚禮要求好高，似係新娘多過她，洪永城話一生人得一次結婚，無論任何細節位，甚至食物水準都要求做到最好，唔會甩拖。洪永城同梁諾妍由求婚到結婚進行得咁急，唔知係咪雙喜臨門，兩人好快再有好消息要宣佈呢？