無綫劇集《陀槍師姐》系列大受歡迎，近日無綫開拍劇集《陀槍師姐2020》，延續呢個嘅劇精神，當中喺《陀》劇入面飾演變態連環殺手嘅「鮑國平」駱達華，其實早年已經去咗內地發展，同太太盧燕喺上海定居，兼生咗個女駱欣言（Natalie），舊年佢哋一家三口返港，Natalie已經亭亭玉立，被網友大讚有仙氣！
估唔到話咁快，Natalie已經高中畢業，雖然近日疫情關係，大家少出街，但畢業咁重要嘅日子，梗係要同成班同學仔過！駱達華化身「龍友」，全程拍下囡囡呢個重要時刻，見身穿畢業袍嘅Natalie，滿場飛係咁同同學影相，好可愛，仲不時幫同學整理衣領，睇得出同同學關係融洽。唔少網友都睇好佢入行，話佢生得標緻可人，絕對有潛力！
雖然Natalie遺傳咗爸爸演藝細胞，曾公開表演唱歌唔怯場，但駱達華話要女兒先完成學業先畀佢入行，看來大家都要等埋Natalie大學畢業，先可以見佢兩父女拍住上！
東網網站 : https://on.cc/
東網Facebook專頁 : https://www.facebook.com/onccnews/
