【台北的港男港女】浪漫到死！廖子妤恆仔一吻定情合唱埋主題曲

被網民大讚貼地抵死夠寫實的《向西聞記》在NETFLIX上架一星期，已火速打入熱播區，其中剛在hmvod免費播出、由趙善恆（恆仔@ToNick ）和廖子妤合演的單元《台北的港男港女》上集，當中微妙的人物關係，由之前的《食女性地嘉亨灣》發展下去；《台北》講述飾演鹹賤保安員趙永洪的同事恆仔，因為甩拖變成單身狗，獨自走去台灣媾台妹，結果在當地夜場撻著港女廖子妤 ( Fish )，而她又誤會恆仔是台仔，兩人由錯摸開始變成一段浪漫之旅。

原創劇《向西聞記》在 NETFLIX 上架一星期，已火速打入熱播區，網民大讚貼地抵死夠寫實。其中剛在hmvod 免費播出、由趙善恆（恆仔@ToNick ）和廖子妤合演的單元《台北的港男港女》上集，當中微妙的人物關係，由之前的《食女性地嘉亨灣》發展下去；《台北》講述飾演鹹賤保安員趙永洪的同事恆仔，因為甩拖變成單身狗，獨自走去台灣溝台妹，結果在當地夜場撻著港女廖子妤 ( Fish )，而她又誤會恆仔是台仔，兩人由錯摸開始變成一段浪漫之旅。

這個單元上下兩集全於台北取景，愛的故事上集 sweet 到不行，坐捷運、放天燈、遊老街，恆仔和 Fish 更在情人橋一吻定情，但搞笑地，恆仔比子妤緊張得多，對此他笑說：「自己有啲緊張嘅，好彩 Fish 係好有經驗嘅演員，經過溝通之後，拍攝時都好順利。」

相對 Fish 就比較淡定，「拍錫戲時同恆仔識咗冇耐，唔係好熟，反而太熟先尷尬，會有好多ng，同恆仔唔會，唔熟唔敢太過放肆玩，令到大家 ng 就唔好啦，但係緊張、驚我有嘅，其實恆仔比我更加緊張，雖然佢入行耐，但可能佢同女演員拍親密戲份比我少好多，佢拍攝之前走過嚟問話不如傾一傾，我就知道佢比我更緊張，咁我就知我可以掌控成件事，我話放心啦，交俾我。」

Fish 和恆仔都覺得上集《台北》拍出來的感覺浪漫滿瀉，但結局就出人意表，徹底扭轉，所以當他們拍完外景返港之後，五味架的各式味道仍縈繞恆仔腦中，觸發了他創作《我們是無法說明的季節》一曲，這首歌亦成為劇集主題曲，並 featuring 首次唱歌的 Fish，恆仔說：「呢首歌係拍完之後，個人都仲係角色入面，最大問題係返香港之後仲諗點解自己嘅收場係咁，個腦甩唔到、諗唔通，係靠音樂去宣洩，用鋼琴彈咗一段 melody，導演聽完之後覺得好好，話不如做隻完整嘅歌啦。」恆仔覺得 Fish 唱得好，大家要給她更多鼓勵，但 Fish 就騰騰震，特別係曾試過現場演唱，真係嚇到冇命，她笑說：「我真係好驚！我好鍾意唱歌，但我對自己嘅歌聲同埋現場唱嘅能力好有限，我個人太易緊張，緊張過頭就有好多奇怪情況發生，一係呆咗一係過度興奮，控制唔到自己，需要累積多啲經驗，但好多謝恆仔無論拍攝過程或者錄音都俾好多意見我。」