【Come on,dear】范婦人冰冰《大轟炸》戲份僅9秒 得3句對白

'Come on, dear.'
'No, to the basement!'
'Everybody, hurry! Come! Now!'

呢部'The Bombing'——中文名就係《大轟炸》。

《大轟炸》已於26日在北美地區首映，網上仲話咁快已流出盜版，片長97分鐘，之前大陸計劃公映嘅版本係132分鐘。Cut咗咁多，唔知幾時可以重見天日。

北美版上映嘅版本，演員都係講英文，講國語嘅就被配上英文。

部戲好唔好睇、故事講乜，華文傳媒似乎都不太關心，關心的是究竟范婦人——范冰冰有幾多戲份。

係9秒。

對白於文首已見，就係：
'Come on, dear.'
'No. to the basement!'
'Everybody, hurry! Come! Now!'

好明顯，范冰冰出場嘅，都係群戲。佢喺戲中飾演幼稚園老師葉佩璇，帶學生逃避日軍轟炸。逃難之後，范婦人亦芳蹤杳然，再冇見佢出場。片尾出credit roller，范冰冰排名第15位。

《大轟炸》係大陸主旋律電影，蕭鋒執導，劉燁、故事講述抗日戰爭時期，自1938年2月到1944年12月期間，日軍對重慶實施長達六年十個月嘅轟炸。估唔到部戲依家竟然喺美國上到，大陸上唔到，幾諷刺。

部戲分三條主線，Bruce Willis飾演美國空軍指揮官，培訓中國飛行員謝霆鋒、宋承憲同陳偉霆等人，抵擋日本空襲；另一條線係平民角度，故事由范偉飾演茶館老闆帶出；至於前飛行員劉燁嘅任務，就係運送一樣好重要嘅嘢前往軍事基地。IMDb俾《大轟炸》評分係4.7，45票俾1分，56票俾10分，非常兩極。