詹天文廣州讀大學住6人宿舍　房內喪大笑尖叫

「聲夢小花」詹天文（Windy）正在廣州星海音樂樂院讀音樂，早前趁假期返港，她表示已習慣廣州讀書的節奏，但最難捱是星期一，她講笑說：「本來星期一就心情會差啲，而且係上悶課，所以係死亡黑暗星期一。」她透露現在住6人宿舍，初都都擔心大家來自不同地方，性格不同，誰知幾個女仔出奇地融洽，她表示6個女仔，周不時在房內尖叫和大笑，屬同一類人：「最近我想睇番哈利波特電影，之前都睇過，由頭到尾再煲多次，睇到會尖叫，大家都係咁，所以好搞笑。」其中一位同房也是來自香港，其他來自內地的同房，很喜歡吃辣，跟她愛重口味相同。由於宿舍地方不算大，要互相遷就，暫時無大問題。不過她透露之後都會想搬出一嘗獨居生活，她表示：「我都係想享受獨處私人空間多啲，依家係體驗宿舍生活，但無想過4年會長住宿舍嘅。」

早前Windy的粉絲到廣州為她應援，感覺到粉絲好有心，她也有給同學開心分享，又透露稍後將會推出新歌，今次歌種跟以前有所不同。

東網網站 : https://on.cc/東網Facebook專頁 : https://www.facebook.com/onccnews/