蔣家旻傳月底離港秘密結婚　圈中好友已收到邀請

今日（3日）盛傳「最佳女配角」蔣家旻月底結婚，與未婚夫拉埋天窗！據知今次婚禮行禮並不會於香港舉行，而選擇於亞洲區秘密行禮。據知早幾月已有不少圈外圈內親朋好友已收到邀請，有部分圈內藝人好友已收邀請，兼向公司請定假，屆時出發觀禮。距離蔣家旻和未婚夫婚禮只有不足一個月才被曝光，認真收得密！

對於月底秘婚，蔣家旻接受傳媒訪問昤表示：「我仲忙緊劇集，即將出發布拉格拍外景。暫時未有任何嘢公布，有消息會係社交平台通知大家。」據知她正在參與無綫重頭劇，由由宣萱、陳展鵬、陳煒及劉佩玥主演的醫療劇《巨塔之后》拍攝。再問是否「可以期待好消息」時，她再回應：「總之有消息就一定會公布。」如果沒有否認的話，照估計大家都可以期待一下好消息的到來。

東網向蔣家旲求證婚事，她表示：「依家冇咩嘢要公布，因為仲忙緊拍劇。（同男友計劃緊結婚？）有公布會再同大家講，依家同男友關係穩定，同埋我男朋友係姓周，唔係姓高嘅。」更指將於明日聯同陳楨怡出發布拉格為新劇《巨塔之后》拍外景，預計逗留一星期，屆時將拍攝與陳楨怡姊妹戲份。

東網網站 : https://on.cc/東網Facebook專頁 : https://www.facebook.com/onccnews/