《2023香港小姐競選》決賽今晚（27日）舉行，昨天（26日）16位佳麗穿上泳裝綵排，（16）郭珮文對於賽前在「你最Like的心水佳麗」五強不入，她指才藝表演選擇獻唱王菲歌曲，其實也不是唱得特別好，所以不感意外。
問可有信心憑好身材爭勝？她說：「都冇，𠵱家等運到，我一向佛系，賽前會注意下唔食太多，當然希望自己做得好啲唔會出醜，最擔心泳裝問答環節口窒窒，其實係有自信，但會有意想不到嘅事，我覺得自己樣樣非常平均，唔係好差，都幾好㗎。」
（2）黃泳嘉完全估不列自己才藝表演受歡迎，認為大家覺得她吹奏牧童笛好好笑，自己也很開心，但未有期望要入三甲，對於獲「最上鏡小姐」評判張曦雯看好，指她有鄧佩儀影子，她說：「都聽過有人咁講，我覺得鄧佩儀好靚，可能大家都來自加拿大，所以感覺似，當然被評判睇好會多啲信心。」（4）王怡然表示經過3個月，廣東話進步了不少，她說：「已經好好，𠵱家只擔心喺台上緊張時會詞不達意。」
（即時娛樂）