麥美恩今晚（27日）和鄭詩君擔任港姐決賽客席司儀，麥美恩主持問答環節時，心口驚現大片紅印而惹外界關注。事後她解釋此情况經常發生，但否認酒精敏感或吃錯東西，她說：「呢個情况私下成日發生，一廠冷氣唔夠大，頭先笑得太用力，興奮指數飆升少少，都冇理啦，因為時間緊迫，都冇時間理自己狀態，但Feel到個人好熱，背脊出緊汗，我都知道個身紅咗，耷低時已經好紅，我明白大家擔心，之前拍節目都紅過，個人一熱及興奮過度，代表我好投入，但冇理咁多….我都好快Cool down，難得嗰幾分鐘大家望到我心口，都幾好吖。（太礙眼？）係呀，全世界望下啦，我係『皮薄』，（餡靚？）餡當然靚，多謝大家關心，呢啲冇得控制，上到台個儀容都係其次，唔好意思，嚇親大家，自己知嘅﹑醒覺嘅，中途好多人望住我，但唔係紅疹，只係血氣旺盛，（搵啲粉遮得唔得？）冇用㗎。」
（即時娛樂）
