「星夢一姐」菊梓喬（Hana）一直被傳離開無綫，雖然佢極力否認離巢，但氣勢已大不如前，喺香港嘅曝光率大減外，更畀人一種「發配邊疆」嘅落寞感。雖然去年早有傳Hana打算約滿離巢，並希望回復自由身，成立個人工作室以獨立歌手身份重新出發，不過就因為Han一直未有正面回應，引嚟唔少粉絲揣測。
而尋日（10日），一直未有回應相關傳聞嘅Hana，終於喺社交網以黑底白字寫道：「感謝這2555天終於來到這一天，這段時間一直回憶着過去，很不捨，有喜有悲，百感交集。」更寫道：「還是需要時間來消化…」事實上，Hana於2017年加盟星夢娛樂，2555天啱啱好正係七年外，唔少網友更發現Hana社交網嘅自介中，未寫有所屬唱片公司，或同無綫有關嘅聯絡人，似乎Hana真係正式宣布離開星夢，結束七年合作關係。
東網網站 : https://on.cc/東網Facebook專頁 : https://www.facebook.com/onccnews/