J2節目《不正常愛情研究所》的主持文頌男(Koba)早前突然消失，原來因為患上了罕見癌症尤文氏肉瘤。而早前Koba亦都有更新社交平台分享近況，他表示因化療甩頭髮而剃光頭。而近日他亦再度入院，表示：「要入院瞓三日，最討厭就係要住院。#好想快啲過 #住院。」
之前一起經營YouTube頻道的藝人Yanice(陳栢昕)亦有去探望朋友，早前上載合照留言：「佢幾個月前確診自己有癌症，有一個大約6x6x4cm 大嘅惡性腫瘤喺椎間近盆骨附近嘅位置。 由於腫瘤壓住神經線，所以佢行動不便同週不時會出現劇痛，並已停工兩個多月了。佢最近開始咗化療，希望佢可以盡快康復返嚟拍多啲片畀大家睇。無論之後嘅日子有幾艱辛，閃芒仝人都會永遠支持你。」Koba提到拍檔停工兩個月，而早前Koba亦有出文，指希望籌集醫藥費及生活費。
