江嘉敏少見三點式下水　積極修身成功搣甩「大媽」身型

無綫小花江嘉敏過去因為身型暴脹，被嘲似「大媽」，但近月來一直積極做運動，終於回復狀態，今日（11日）更罕晒三點式性感泳衣下水，難怪她都笑得開懷，又寄語未來一定要學識游水。

江嘉敏連月來積極修身，日前更參與馬拉松慈善賽及打網球等，亦有自爆入院打止痛針。經過這些日子後，今日她在社交平台分享成果，穿上性感泳衣上陣，寫道：「上年生日願望話要學識游水，點知一次水都冇落過水。一年比一年熱。記得上年11月已經着緊長袖衫，着緊長Boot。希望地球唔好暖化，鍾意冬天，嚟緊一定要學識游水，依家慢慢開始凍。各位著多件衫。」