江美儀Big Boss現形　身世藏驚人秘密

視后江美儀於台慶劇《羅密歐與祝英台》Big Boss身份終於現形，當中一場指摘楊證樺殺人辦事不力戲份全程霸氣盡現、眉頭眼額盡是奸險，相當好戲，官方更預告關於美儀身世的驚人秘密，屆時劇情更為緊湊。

而尹詩沛於劇中亦相當搶戲，其中一幕情深款款餵陳豪食香蕉場口，其瘋狂嗒糖樣配以陳豪嚇到冷汗直標的驚青樣，相映成趣！尹詩沛受訪時坦言拍攝時現場笑聲不絕：「所有在場工作人員、包括陳豪都係咁喺度笑，希望真係帶到歡樂畀觀眾。」更指今次角色相當過癮：「個角色好立體，粗魯得嚟帶點溫柔、火爆得嚟帶點性感，每場戲都令我腎上腺素飆升，淨係拍枱都拍到隻手瘀晒。」

東網網站 : https://on.cc/東網Facebook專頁 : https://www.facebook.com/onccnews/