魏浚笙(Jeffrey)去年以獨立歌手身份自資6位數推出首支個人單曲《第一個迷》,成績不俗,最近他又宣傳推出第二首個人單曲《遺忘了初心的我們》,令一眾粉絲非常期待。
Photo from ig@jeffreyngai
Photo from ig@jeffreyngai
奇怪的「尋人啟事」
早前網上有不少人討論在街上發現一張奇怪的尋人啟事,寫著「本人積先生,最近唔見咗一樣好重要嘅嘢。人大咗,呢樣嘢已經愈來愈遠,就好似一條魚離開咗水池,一支花無咗陽光,一個人無咗自己咁。呢樣嘢好似叫初心,我要揾返初心呀!」更留下了聯絡方法,承諾厚酬給幫他尋回初心的人。
Photo from ig@jeffreyngai
Photo from ig@jeffreyngai
想尋回初心的原來是Jeffrey
這張神秘的街招令網民議論紛紛,原來這位想尋回初心的積先生是Jeffrey,他在社交平台寫下:「送給自己25歲的生日願望,Jeffrey Ngai 第二首個人單曲快將發行。你,有無唔記得咗一啲嘢⋯⋯?」這次街招作新歌宣傳,成功吸引注意,更被讚非常有創意。
Photo from ig@jeffreyngai
一起找尋初心
最後Jeffrey在社交平台分享自己與街招的自拍照,並寫下:「你⋯⋯ 有冇啲嘢唔見咗?呢個社會,即使大家素未謀面,仍然很有愛,見識到香港的情 — 正是濃濃的人情味。多謝大家短短的一句問候或關心,見到亦有人叫我做返個facial先,全部都收到曬。人大咗,有啲細個最簡單最純真嘅嘢可能會逐漸被社會磨蝕,慢慢唔記得然後慢慢迷失⋯⋯如果遺忘咗初心,唔緊要,我地一齊搵返佢!」
Photo from ig@jeffreyngai
Photo from ig@jeffreyngai
創意宣傳成功引關注
Jeffrey去年年底以歌手身分推出第一首單曲《第一個迷》,獲得不少掌聲和支持,更成為了2023年第一位的樂壇新人,Jeffrey為圓歌手夢不惜工本自資6位數字製作單曲及拍攝MV,這次創意宣傳也成功引起不少關注,令不少網民留言:「你咁靚仔,啲『媽劇庭』又咁犀利,我地啲同行好難追㗎啵咁樣落去。」、「真。電話之餘仲要真係會睇msg」、「睇msg 睇到眼濕濕 」。
Text:TopBeauty Editorial
陳小春大仔Jasper晒流利中英文化身小導遊 父母年花35萬安排讀上海名校!
法言人|蔣祖曼與張頴康拍感情戲難忍笑 首擔女一即獲提名「最佳女主角」!