炎明熹小學常識Fail　最驚數學同英文

「聲夢人氣王」炎明熹（Gigi）獲電台邀請擔任《小學校際常識大賽2023》活動大使，為了測試Gigi是否一名「常識王」，電台早前先搞了個另類版的《小學常識問答比賽》，節目主持人向Gigi下戰書，以掟飛鏢形式去作答，Gigi最終以一分之差輸給主持人，令她十分懷疑自己的「常識」程度，她說：「比賽當中有幾條問題，例如邊種海上交通工具唔係由香港去澳門，呢啲竟然係小學常識？依家嘅小學生常識程度真係好犀利，令到我都好想重讀小學。」

Gigi大談校園生活趣事，被問到最有興趣的科目，竟然不是音樂科。她說：「我讀書時一直都對時裝設計感興趣，因為我發現自己想像力豐富，同埋好鍾意時裝設計，可以利用唔同嘅設計、剪裁、顏色同布料，去製造出唔同嘅服裝，所以我揀咗修讀時裝設計與紡織科，可以自己設計服飾。我希望將來有機會可以着住自己設計嘅衫，出席唔同嘅活動。」而她最驚數學科同英文科，每次要考試都會驚到失眠，而她兒時的「我的志願」是做護士，因為她受媽媽的影響培養了喜歡照顧別人的特質。

東網網站 : https://on.cc/東網Facebook專頁 : https://www.facebook.com/onccnews/