藝人方力申昨日（20日）在社交網發文宣布家中添新成員，原來他最近養了一隻紅綠金剛鸚鵡，並為其改名為「龍兒」，名字出自於武俠小説《神鵰俠侶》入面的小龍女，可見他相當愛錫新成員。小方表示「龍兒」已經識得講「哈佬」同「做緊咩啊？」，「佢係一黎到就識㗎喇，唔係我教嘅，不過唔知點解，係佢唔鍾意定係點，佢唔鍾意飛，同埋好驚學飛，撞嚟撞去咁，搞到我都驚同佢練習，希望大家俾啲建議我，唔該晒。」
小方表示「龍兒」最特別的地方是喜歡男人，可能是因為異性相吸，「特別黐我，好嗲我，好似個BB咁。」但「龍兒」對住媽媽同家姐就完全是凶神惡煞，不可以摸。小方笑言牠不懂做人，冇大冇細，向網民取經：「又要求建議，事關佢有成六七八十九年命，真係有排相處，及早攪好關係，對大家都有好處㗎嘛。」
東網網站 : https://on.cc/東網Facebook專頁 : https://www.facebook.com/onccnews/