張敬軒愛貓 Leslie 月前離世，他今日（11月26日）為Leslie 舉辦喪禮，送別愛貓。他昨晚凌晨突然感性開直播，訴說自己今年沒有盡力做好年初許下承諾，而歌迷仍落力為他拉票，有感愧疚。
張敬軒愛貓Leslie的喪禮上，由過百枝白玫瑰砌成的心型花牌，熒幕展示Leslie的遺照，張敬軒以爸爸自稱，寫道：「我們永遠懷念你」。張敬軒又特意買上一張全絲的被，包裹Leslie遺體，送往火化。
張敬軒凌晨開Live時又分享最近自己下班時，車窗邊有隻飛蛾緊緊抓住車窗，他表示從未在這區見過飛蛾，認為那是愛貓Leslie回來找他。Leslie 去世已過個多月，但他希望完成演唱會，好好送別愛貓：「佢等咗我成個月，我都覺得好對唔住佢，想做完Show有能力面對依個嘅時候先至做。」
他又感性表示，在完成「Not The First X Hins Cheung 期間限定店」後，得悉歌迷在旺角、銅鑼灣等地區為他拉票，又知道有歌迷在拉票時被奚落，有歌迷甚話「好似搽咗面懵膏」，他感到很「唔安樂」，要向歌迷道歉：「如果換着以前，我已經親身去多謝大家，但係今年我覺得由於自己舊年應承咗大家嘅嘢，有啲冇做到，所以變咗我都係好慚愧，同埋好醜怪，覺得自己好錯。」
張敬軒表示，年初奪得「我最喜愛男歌手」後，曾承諾做好音樂，但今年「計劃跟不上變化」，家中有事是始料不及。他又表示，父母年紀大，自己已去到一個階段，要在工作與屋企間的承諾作出平衡，並說：「2024年，喺工作同屋企之間我揀咗處理屋企先，多謝大家嘅諒解，同埋多謝大家信任。我覺得入到五強，大家都同我上街拉票，象徵住大家都仲信我，或者對我仲有期望，我會好好珍惜呢個期望。」
張敬軒認為，今年看著家人受苦，而自己什麼都做不到，感到無助，又覺得自己「唔夠硬淨」，要歌迷反來為他擔心，他感到非常慚愧。他又表示今年會想辦法，做好音樂，令樂迷不會再失望。
留言 0