南韓啦啦隊人氣成員李珠珢，憑精緻靚樣及前凸後翹身材圈粉無數嘅佢，更係一舉一動都備受關注。而日前，有網友喺社交網晒出一段李珠珢初出道時嘅青澀應援片，只見籃球場上將頭髮綁成貓耳造型嘅佢，身穿百褶短裙嘅水手服裝，整體望落少女感十足嘅同時，不時伸脷及露出燦爛笑容嘅佢，更係令人冧到暈，不過似乎妝容嘅問題，片中嘅李珠珢臉頰圓潤之餘，眼睛亦較為細長，同依家水汪汪嘅大眼稍有差異。此外，日前李珠珢喺社交網晒出亞虎LOGO配色嘅應援毛巾及Cap帽，亦令唔少網友揣測佢之後會繼續留台發展，並且加入該球團應援。
東網網站 : https://on.cc/東網Facebook專頁 : https://www.facebook.com/onccnews/
留言 0