前港姐兼娛樂新聞台主播鞏姿希（Krystl）擁高挑纖瘦fit爆身材，原來她中學時曾是重達67公斤的肥妹仔，大學時全靠均衡飲食及計算卡路里，成功減去10多公斤，一直keep到現時，她謂最緊要用舒服方法減肥，否則會很易反彈。
現時Krystl堅持「186」的飲食方法，她說：「盡量喺6、7個鐘食3餐，3餐都飽，同會揀自己鍾意食嘅嘢，但唔會食太多，亦唔會規定唔好食乜嘢。」她謂早餐會吃飽些，可以減少之後肚餓感，亦盡量會選擇原食材，品嘗食物的原味道，例如肉類只落少少調味料。她亦強調飲水很重要：「我一日最少飲2至3公升嘅水，促進新陳代謝，皮膚都會靚啲，同埋口渴時身體會呃你話係肚餓。」
她又分享生活小習慣，全靠拉筋保持24吋小蠻腰及42吋長腿：「每朝都會拉筋，拉完個身舒服啲，瞓前會搽潤膚膏按腳，可以去水腫。」
東網網站 : https://on.cc/東網Facebook專頁 : https://www.facebook.com/onccnews/