請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

林柏希貼圖爆「港姐十強」搲完免費Tea走數 「相中人」黃婉恩鬼祟重貼舊照

前新城電台DJ林柏希近年投身餐飲業,現時為灣仔某間餐廳擔任公關宣傳,近日他在私人FB發文炮轟某屆「香港小姐十強」的TVB女藝員主動搲着數,要求以IG出Post宣傳換取免費兩位用下午茶,但最後走數沒兌現承諾。他上載一張該位TVB女藝員的背脊相,矛頭直指2020年落選港姐、被指是何君堯侄仔女友的黃婉恩,碰巧傳媒發現她的IG今日靜悄悄重貼一張舊相,正好就是該餐廳的下午茶相片。

 

林柏希凌晨大爆某位「港姐十強」搲著數後走數的行為。

林柏希在今日淩晨約兩點,在私人FB帳號與朋友分享「港姐十強」的行為,寫道:「正所謂一樣米養百樣人,當中一定有好嘅,亦都有啲古靈精怪嘅,今次交手嘅女仔,可以話用一個 Tea Set 嘅價錢已經睇到佢嘅品行。」他提到有日有人於IG發訊息給他工作的餐廳,表示自己有興趣去他經營的餐廳「試食」Tea set,其後他的同事從對方的IG後發現,原來是某屆香港小姐選舉的十強入圍佳麗。他寫道:「講真,我完全唔知佢乜水,見佢都有三萬幾 followers,就諗住互惠互利啦。」

 

他更上載一張背面相片,直斥這位「港姐十強」食免費Tea只還背面IG story走數。

雙方聯絡後,表明以一個IG帖文換取該次餐廳Tea set的試食。林柏希說:「唔係我朋友,亦唔係我邀請,公事公辦在商言商,我提出我嘅要求,你做到就嚟,唔想嘅咪算囉,或者你可以俾錢幫襯我俾個折你都得,最重要大家開心,唔好任何一邊蝕底。」試食過後,原來這名「港姐十強」當日只在IG Story貼出一張背面相,相中更沒有看到餐廳Tea set。林柏希同事提醒對方之前的合作協定,但「港姐十強」未有回覆。林柏希表示,當晚「港姐十強」終於在IG帖文上貼出了一張自己的大頭照,雖然標記了餐廳名字,但Tea set的相片是完全糢糊的。翌日,餐廳同事更發現對方靜悄悄將該IG帖文下架。

 

不少網民猜測走數的「港姐十強」,正是2020年落選港姐、參選時被指是何君堯侄仔女友的黃婉恩。

林柏希指出︰「一個Tea Set值幾錢呀?原來你個朵就係值咁多㗎咋?哈哈!仲有,真係唔係我迫你出Post㗎,係你主動搲跟住自己應承咋,原來你嘅誠信只係值一晚。講真,我完全無嬲,只係覺得佢Cheap,好肉酸呀﹗後來我自己接手Check番件事,先發現原來佢係TVB Management嘅。你真係有權應承人哋出Post?仲有,咦!原來你個經理人,我其實識咗20幾年啦,你咁想食不如下次我請埋你同經理人一齊食囉,唔使你出Post添呀,唔好再用呢啲招數去其他餐廳呃飲呃食喇,真係影衰晒㗎﹗」

 

          View this post on Instagram                      

A post shared by Yancy Wong 黃婉恩 (@yancy)

 

林柏希同時分享了那位「港姐十強」的背面相,網民翻查後發現林柏希所指的女藝員,疑似是2020年落選港姐黃婉恩。本來她的IG介紹一欄,曾寫有「Miss HK 2020(Top 10)」,但現時經已刪去。同時,她的IG內有一篇6日前在該餐廳享用下午茶的相片,而Tea Set的確是模糊的,而服裝亦被指在餐廳影背面相女藝員相似。其後有傳媒更發現,昨日黃婉恩的IG沒有該照片,今日卻悄悄地重新上載這幅舊相。

 

 

不少網民紛紛湧到黃婉恩IG留言,問她為何有錢買名牌手袋,卻要搲食免費下午茶。

 

之前黃婉恩跌傷腳入院,卻在病床上化濃妝擺甫士拍下多款寫真相,疑似呃like引起網民不滿。

 

黃婉恩IG另有不少性感照片。