王祖藍和李亞男15年結婚，結婚四年後，李亞男誕下女兒Gabrielle。疫情期間不少藝人工作停擺，留家抗疫變成加快造人計劃，王祖藍今年6月在社交網公布亞男再度懷孕，承認在疫情期間揼大太太個肚，王祖藍在李亞男卸貨在即，貼出「一家四口」新相，對即將來臨的小生命表示相當期待。
文：東方新地 ｜ 圖：王祖藍、李亞男IG
李亞男肥肚不肥身
王祖藍在疫情大爆發期間，無法北上吸金，留家抗疫家庭樂同太太李亞男日夕相對，最終搞出人命，六月王祖藍趁在父親節對外公布喜訊，不過一直未有透露 BB性別，陀B後的李亞男，透露相當幸運，未有懷孕的不適，陀B如常四圍去，並且得天獨厚，肥肚不肥身，手腳依然給纖幼，臉頰尖，完全未有水腫及走樣，做個靚靚孕媽。
王祖藍晒韓式全家福
接近生產之時，王祖藍貼出一張全家福的唯美照，並留言「期待你的到來」，相中李亞男身穿紫色紗裙，囡囡Gabrielle對住李亞男肚錫錫，王祖藍則身穿禮服在後扶住囡囡，大家都相當期待小生命的到來。不少圈中人留言指也很期待BB出世，王君馨更指這張全家福甚有韓風，大讚李亞男是索媽。
疫世星B排住隊出世！最正星二代你最睇好邊個？
肺炎疫情持續，社會氣氛緊張，大家嘅心情都唔會好得去邊，然而娛樂圈仍傳來唔少喜訊，接二連三有藝人宣布懷孕，大批星B排住隊趕出世，疫世生B絕對係一個大挑戰：
古巨基榮升新手父母
古巨基與太太Lorraine於2014年結婚，今年初榮升新手父母，轉眼間囝囝Kuson已經半歲大，眼仔碌碌又愛笑，可愛到暈！
周勵淇一索得男
周勵淇於2018年底宣布與內地演員傅浤鳴結婚一年多，去年9月傳出有喜，直至今年1月宣布陀B，並於5月18日剖腹誕下6磅重囝囝，一索得男。好姊妹蔡卓妍及鄭秀文上門探B。
楊思琦老公成謎獨自湊B
楊思琦2011年誕下囡囡楊卓穎後，一直以單親媽媽身份同囡囡相依為命。去年宣布再懷第二胎，聲稱跟圈外拍拖半年嘅男友喺外地註冊結婚，今年2月12日誕下兒子「豬豬」，仔跟母姓楊，父親仍然是個謎。
梁靖琪姊弟戀修成正果
經歷婚姻失敗，去年6月與年輕8歲嘅圈外男友施雋賢結婚，梁靖琪於同年12月27日誕下兒子施睿文，由二人世界變成三人行。
黃祥興幸福五人家庭
黃祥興同圈外老婆結婚7年育有一仔一女，今年初再添一子，組成幸福五人家庭！
許亦妮寵愛「馮寶寶」
前港姐許芷熒（前名許亦妮）去年10月與商人男友結婚，其後宣布懷孕，囡囡於今年2月2日出世，女兒乳名叫「馮寶寶」、英文名叫KayliJane。
楊秀惠離巢TVB做靚媽
去年跟圈外男友葉世揚註冊成婚，早前正式離巢TVB嘅楊秀惠，於4月宣布榮升人母，展開人生另一階段。
楊怡羅仲謙終成功造人
楊怡同羅仲謙結婚4年終於成功造人，今年4月尾誕下囡囡羅昀凝，一家三口非常幸福。生B後嘅楊怡一直待在家中湊女，搵奶粉錢嘅重任就交畀老公謙謙搞掂。
鄭嘉穎 陳凱琳兩年抱兩
鄭嘉穎與陳凱琳兩年抱兩，今年5月宣布再做爸媽，而第二胎冧莊又係仔，大仔鄭承悅（Rafael）將會多個細佬。
譚凱琪低調完婚即有喜
38歲譚凱琪今年三月與拍拖八年嘅富貴男友莊日宇低調完婚，上月尾宣布有喜，現已全面停工，留家專心安胎。
陳山聰親手為囝囝剪臍帶
陳山聰太太何麗萍剛於今個月生咗 B仔 Jaco，陳山聰陪太太入埋產房，仲親手為囝囝剪臍帶㖭！
雨僑羅力威唔請陪月自己湊
雨僑同羅力威結婚2年，今年情人節宣布懷孕喜訊，自稱P牌媽媽嘅雨僑日前公布今胎係B女，兩公婆決定唔請陪月唔請姐姐，一於親力親為自己湊，勇氣可嘉！
吳若希話唔知轉頭又陀B
吳若希上月宣布懷有第二胎，3歲囡囡Giselle將榮升家姐，澳門闊少老公何兆鴻興奮大爆今胎陀仔湊成個好字。
應采兒陳小春再添一男
應采兒與陳小春2010年結婚，2013年誕下兒子Jasper，今年52歲嘅陳小春再做老竇，應采兒於5月尾再添一男，雖然恨女恨到發燒，但應采兒亦開心迎接細仔，惟有之後再努力過啦！
留言 0