林作付10萬要求戲院停播林二汶「禮儀歌」 再俾多90萬播自己錄音

林作昨晚又在社交平台抽水。話說昨日開始有網民湧到百老匯院線的社交平台留言表示希望換去林二汶唱的「戲院禮儀歌」，否則將會罷到該院線看電影，留言之多數以千計。之後，昨晚林作更在自己社交平台留言指願意出10萬元給戲院「落台階」，再願以俾多90萬，播他自己的5秒錄音。

昨日林作在社交平台留言：「本人願意出10萬元俾戲院，當俾個台階戲院落，收番埋呢首長年累月唔知林小姐俾咗幾多錢戲院keep住播嘅歌。超低B，侮辱觀眾智慧『唔准吸菸咗好耐啦』，你老味我會唔知？我入場睇高深外國劇情片，一開場嚟段低B歌，搞到大煞風景。多年來我已經每次都遲到入場，有時都係難免要聽到。俾多90萬你，錄5秒林作原聲激動錄音：『熄電話啦PK！』一樣播足咁多年，仲實際。」