《造星》團隊好搏命令彭秀慧佩服 網民望ViuTV加幕後人工

今年是ViuTV五周年，唔知觀眾有否留意，他們有個不定時播出的系列性特輯《今世做電視》。這個節目之前就訪問過《二月廿九》團隊、「無制限OT編集団」以及《膠戰》團隊的幕後工作人員，了解他們製作一個受歡迎節目或劇集背後的辛酸。
《全民造星IV》將於明晚（11月1日）播出，而昨晚（30日）ViuTV就播出《今世做電視：全民造星極限造夢者》，當中揭露了幕後團隊為了將參賽者最好一面呈現到觀眾眼前，下了多少苦功。
其實《全民造星IV》早於7月中已經進行海選，面試的參賽者多達千人，前中後期工作都忙到甩轆，好多工作人員連續多日未能回家。這個節目的工作人員，除了大家常聽到的監製黃慧君（花姐），其實還有梁志康監製、編審蕭寶年及謝家驥，更需要十多位導演及PA等，攝影機多達40部。
節目出街後，網民都大呼感動，除了了解到《造星》團隊的辛勞，亦表示：「好開心因為《全民造星》，重新追看香港製作嘅電視節目，每日要趕返屋企睇電視，呢件事其實好浪漫。」睇見工作人員咁辛苦，網民都紛紛留言希望ViuTV加他們人工。
曾經為《全民造星III》擔任導師的彭秀慧，今日亦於IG限時動態留言稱，去年《造星III》令她第一次感動到喊正是因為這些工作人員。她表示：「睇住佢哋跑嚟跑去，從來冇收工概念。我心諗『點解佢哋咁好嘅？點解佢哋咁賣命？』我真係未感受過咁樣嘅工作氛圍，你會感覺到佢哋嘅投入同熱誠，絕對唔係開工咁簡單。」並稱可以與這班人一起工作，令她感到很幸福。