林海峰突發現身機場　懶神秘問：估下我去邊？

藝人林海峰今日（25日）喺社交網上載照片，見佢着住藍色風褸、一條黑褲，低調現身機場。佢仲喺貼文寫到：「估下我去邊？#貼士兩隻字 #HappyFlyday」唔通佢真係移民走佬？而唔少網民就留言話：「送機」、「打卡」、「晨運 」、「運吉 」等字眼，非常搞笑。不過，近排有傳「軟硬天師」相隔8年後再度合體，而林海峰更邀請拍檔葛民輝做新歌MV男主角，咁睇嚟佢應該似係拍MV多過移民啦，相信一班 「軟硬」粉絲一定非常期待有新歌聽！

東網網站 : https://on.cc/東網Facebook專頁 : https://www.facebook.com/onccnews/