近1500間食肆今日(1日)部分指定菜式或餐飲品畀71折，作為飲食界議員嘅張宇人朝早已經走咗幾場，但喺社交平台仲話係佢嘅「7.1」減肥餐單。唔係啩！
飲食業界話今次提供優惠係豁出去。張宇人亦喺貼文中話要身體力行去支持食肆呢個大行動。佢朝早同幾位副司長去酒樓飲早茶、午餐去咗食粟米肉粒飯，而甜品就係酥皮蛋撻，下午茶就去咗另一間食菠蘿批。至於晚餐食乜嘢就未講嘞！大家估吓佢去邊？
果然係一日食足4餐加甜品，咁仲叫減肥餐單？抑或佢覺得食咗咁多，又走勻咁多食肆，體力消耗比吸收更大呀？
東網網站 : https://on.cc/東網Facebook專頁 : https://www.facebook.com/onccnews/
留言 0