張致恒（Steven）和老婆區燕雯（雯雯）屢爆婚變，曾在社交網發文轟Steven又懶又廢，早前雯雯透露已搬家，今天（7日）她又在Ig限時動態發功，撰長文回應「被信息轟炸」，內容包括出軌和欠債等，但雯雯亦表示自己也沒錢：「如果你搵我，係想講我老公曾經問你借錢，而又未還錢嘅，好抱歉，我都冇錢。」﹑「如果你搵我，係想講我老公佢係一個咩人﹑人格係點，有咩缺點，我諗我同佢認識咗10幾年，結咗婚4年﹐都應該夠了解」﹑「如果你搵我係想講，同過我老公有嘢又或者佢出軌，我諗我只可以，就算係事實，其實對我都冇乜影響，我相信目前嘅我唔會因為呢啲咁嘅嘢，而影響到我嘅生活，又或者情緒，再講我選擇得同一個公眾人物結婚，我諗好難勉（免）有好多個唔同嘅你哋出現搵我。」
最後雯雯亦談到離婚一事，她寫道：「如果你哋嘅目的係想我哋離婚，我諗我可以同你講，我已經有我嘅路行，若果我真係要離婚，我諗我可以有好多原因，但係一定唔會係因為一個又一個嘅你哋嘅故事。」
（即時娛樂）
