請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

MakerVille社交平台「重生」貼《野人老師》 Ian今出新歌一手包辦感迷失

娛樂 on LINE

更新於 2022年10月31日09:51 • 發布於 2022年10月31日09:51 • 機
MakerVille社交平台「重生」貼《野人老師》,另一邊廂Ian今日推出新歌。
MakerVille社交平台「重生」貼《野人老師》,另一邊廂Ian今日推出新歌。

自7月28日《MIRROR.WEARE演唱會》發生意外事故後,MIRROR所屬公司MakerVille只在社交平台貼出過3條有關演唱會安排的帖文。事隔3個多月,MakerVille社交平台今日(10月31日)終於「重生」,貼出Stanley@MIRROR主唱劇集《野人老師》的主題曲《重新介紹》,呼籲網民即刻全首重新又重新LOOP。

MakerVille社交平台今日「重生」,貼出Stanley主唱《野人老師》的主題曲《重新介紹》。
MakerVille社交平台今日「重生」,貼出Stanley主唱《野人老師》的主題曲《重新介紹》。

其實《野人老師》於10日前(10月21日)已經播映完畢,《季前賽》於上周已播出5集,MakerVille可能為免Stanley首支單人歌曲成為滄海遺珠,所以「重生」後首帖就介紹此曲。

《野人老師》於10日前已經播映完畢。
《野人老師》於10日前已經播映完畢。

繼上星期Jeremy@MIRROR推出新歌《阿波羅》後,今日陳卓賢(Ian)@MIRROR又出新歌《地球上的最後一朵花》,首次一人分飾五角,一手包辦作曲、填詞、編曲、監製及主唱。

Ian@MIRROR今日推出新歌《地球上的最後一朵花》。
Ian@MIRROR今日推出新歌《地球上的最後一朵花》。
Ian在製作過程中曾一度感到迷失。
Ian在製作過程中曾一度感到迷失。

今次Ian繼續向全能唱作人的方向進發,為〈地球上的最後一朵花〉一手包辦曲、詞、編、監,他說:「今次錄咗兩個Session,要兼顧好多嘢,除咗前期創作,仲有一啲後期嘅嘢,用好多時間同精力,亦因為準備時間唔算好充足,錄完後即時做好多Tuning(調音)嘅工作,喺製作時會有一兩個Moment(時刻)自己陷入咗迷宮之中,因為自己監製,又要判斷每個Vocal要點樣處理,又要揀Take,再作調整,長期喺錄音室時,會有一兩個短暫Moment迷失方向。」雖然Ian要搞盡腦汁瞓身做歌,但他坦言十分享受整個製作過程。他續道:「一路錄一路跟住揀Take再Edit(編輯),但見到首歌一步一步咁出嚟,過程雖然辛苦,但係係幾開心!」

雖然Ian要搞盡腦汁瞓身做歌,但坦言十分享受整個製作過程。
雖然Ian要搞盡腦汁瞓身做歌,但坦言十分享受整個製作過程。

Ian身兼數職,但幸好還有黃兆銘(Nick)參與編曲部份,對方恍如Ian的定心丸。Ian說:「一開始決定做《地球上的最後一朵花》時,已經好明確要搵Nick一齊合作編曲部份,因為以前聽過好多好鍾意嘅作品,入面有好多好多弦樂嘅部份,都係出自佢嘅手筆。其實一開始寫好旋律、有個畫面時,就覺得呢隻歌係好需要一啲好好聽嘅弦樂放入歌入面,所以自己就即刻聯絡佢,問佢有冇興趣一齊做呢隻歌。過程中Nick俾咗好多意見,我成日不斷轟炸,日以繼夜問佢意見,但佢依然好樂意逐一解答我所有問佢嘅意見同睇法,所以好多謝佢嘅幫忙。」

Ian今次為新歌身兼數職。
Ian今次為新歌身兼數職。
0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 6

  • 小宇
    始終都係無好好關心阿mo
    2022年10月31日11:23
  • Jonけん
    到底個調查要去到幾時呢
    2022年10月31日12:13
  • Michael
    MakerVille低成本垃圾害人公司不得好死👎🏽👎🏽👎🏽👎🏽🤬🤬🤬🤬🤬
    2022年10月31日11:26
  • AL
    見到里班野就捻起瞓喺醫院嗰個🥲😢
    2022年10月31日14:13
  • Ck
    個調查結果係咪重要等一年半載!?
    2022年10月31日22:39
顯示全部