以往不乏參與綜藝節目的「無綫性女」黃婧靈(波波)，最近卻不時於劇集亮相，繼於《痞子殿下》演絕代八嬌，近日亦在叫好叫座的台慶劇《下流上車族》客串演社工，與「鬼才」林敏驄演對手，雖然只得一場戲份，但波波也大呼好玩:「因為驄哥成日『爆肚』，所以拍嗰時要打醒十二分精神，要頂得住，好似考牌咁，好緊張，好在最後有驚無險過度。」
而忙於拍攝新劇《妳不是她》，波波指今次演一名經常為馮盈盈帶來麻煩的角色，由於雙方曾於綜藝節目中合作，故埋位時無需磨合已默契十足:「都拍得幾開心，同埋我嘅角色好單純，加上又係戀愛腦，單純方面似我真實性格，幾過癮，希望觀眾會鍾意啦!」
東網網站 : https://on.cc/東網Facebook專頁 : https://www.facebook.com/onccnews/
