立法會過去都會趁休會期間，印製下一個立法年度嘅月曆。但喺新制度下，立法會會期已再非由10月開始，而係以1月為開端，休會期就變咗居於會期中間，導致今年嘅新月曆都唔同咗，橫跨今年會期餘下嘅3個月同明年全年，加埋足足有15個月喎。
立法會新一份月曆，除咗印返本年餘下嘅10月至12月會期，亦有標示本屆政府於10月19日到立法會發表任內第一份施政報告；立法會11月16日至18日會就施政報告作討論。
新月曆當然唔會只顯示3個月咁少啦，月曆另一面就印載2023年1月至12月嘅日子，但有關立法會召開大會嘅日子就完全無標示。唔知係咪仲未有會期呢？由於新制度已經運行一段時間，相信下次嘅月曆就會變返12個月喇。
東網網站 : https://on.cc/東網Facebook專頁 : https://www.facebook.com/onccnews/
