人氣男團MIRROR紅館演唱會發生墮屏意外後,受重傷嘅舞蹈員李啟言(阿Mo)仍然留醫,雖然Mo父透露仔仔少於4星期便可除掉頸箍及不倚靠呼吸機,其女友、COLLAR成員So Ching都係未放心,堅持日日去探阿Mo,陪伴佢面對各種治療。曾被爆着男友衣服解思念之苦嘅So Ching,今日(29日)凌晨再發文抒發對男友嘅思念同祝福,並於社交平台發文:「兩個月喇,我望住你,我知道我哋冇其他選擇,你一定會好番!」繼續為阿Mo打氣,堅信男友一定會康復!
另外,多位有份參與當日表演嘅舞蹈員,均紛紛發文指已對紅館天花感害怕,而且以後跳舞都唔會好似以前咁享受,反而係會不停擔天望地,深怕天花會有嘢跌落嚟,並發文指大家都等待主辦方一個交代。
東網網站 : https://on.cc/東網Facebook專頁 : https://www.facebook.com/onccnews/