喺中環行咗幾個斜坡之後，終於來到呢間位於SOHO區Le Jardin à Soho。店如其名，餐廳名係法文當中係花園嘅意思，裝修格調都以大自然風格為主題。餐廳中午時段會提供一般Cafe嘅食物，門面開揚，仲可以帶埋寵物一齊去添。夜晚就會搖身一變成 Bar and Restaurant適合同朋友邊食飯邊飲酒傾偈。而餐廳嘅下層仲有張復古梳化可以用嚟打卡厄like添🧏🏻♀️。
小編今次試咗一同main course同一個甜品。
以半隻雞作為基底，經過傳統嘅烤焗方式烹調，肉質鮮嫩多汁。最驚艷嘅係作為配菜嘅粟米，做得好出色！加入雞湯同埋焦糖熬製而成，面層仲會有一層微焦嘅外皮，絕對可以成為招牌菜。
呢個甜品感覺有少少介乎蛋糕同班戟之間，味道豐富得來夠晒多元化。首先係冧酒提子甜，中間帶有一絲果香，加上酸甜嘅拖肥蘋果香氣，相映成趣。最後配埋雲呢拿雪糕，平衡返個酸度同甜度，同時又增加濕潤感，食落亦都唔會太乾🧏🏻♀️。
Cocktail方面就試咗兩款，分別係 Oolong-Chi 同 Lavender Haze。
荔枝烏龍Grey Goose Vodka、Cointreau同Cranberry juice呢個組合確實能夠突顯出茶底嘅特色，同時又唔會過甜，展現咗相當平衡嘅口感。
味道獨特，係一款充滿花香同金橘味嘅Cocktail。其中一個特別做法係用咗薰衣草infuse Bombay Gin，融合咗Gin嘅清爽同埋薰衣草嘅濃郁花香。頂層嘅蛋白泡沫亦都做得綿密柔滑。小編飲咗一杯之後都已經有少少睡意了😆
地址：中環蘇豪士丹頓街36-36B號地下E號舖
