韓國歌手Soojin（徐穗珍）去年11月以Solo 歌手出道大受歡迎，新歌《AGASSY》迅速獲得千萬點擊，近日承勢宣布舉行粉絲見面會，香港是其中一站，3月15日九展Star Hall舉行。Soojin的性感可愛形象受粉絲追捧，她期待與香港粉絲首次見面：「我現在努力學廣東話，希望大家到時聽得明我講咩！我依家識講『我愛你』、『好可愛』呢兩句，歡迎大家多啲同我講。」
今次來港除了跟粉絲「約會」外，她又會秘密出巡搵靚景打卡：「我知道香港夜景好靚，所以好想出去影相打卡，希望到時可以偶遇粉絲們！呢次行程都好緊湊，完成澳洲站就要嚟香港，現在同經理人爭取留多幾日畀我喺香港放假。」
剛剛度過農曆新年，Soojin希望有機會參與其中：「上網學廣東話時，睇到好多『新年』嘅相片，原來香港過年咁熱鬧，有機會都想親身感受！」她亦知道香港派利市傳統與韓國不同，笑說：「我好多年冇收過利市，希望粉絲們『派利市』，用利市錢買飛支持我嘅Fan Concert，等我到時派番福利畀大家。」
（即時娛樂）
留言 0