尖沙咀一人一鍋手打烏冬　沙爹同蕃茄湯底都超濃｜尖沙咀｜大門橫丁

話說而家啲餐廳真係收得早，開到11點後嘅真係越黎越少，今次呢間竟然開到凌晨1點，宵夜時段仲要有特價(好似9點後)，今時今日都真係少有。

佢地係呢條街一向超歡迎，Dinner時間長期都要排隊等位，主打濃湯手打烏冬同串燒，串燒選擇應該係我見過最多，成張紙密密麻麻超誇張。

-
🥘沙嗲湯牛肉手打烏冬 ($88)
🍅蕃茄湯燒鳥手打烏冬 ($89)
1️⃣一入鋪頭都見每枱都一人一鍋，手打烏冬果然係招牌，咬落彈牙帶點煙韌，掛哂湯汁超正。

2️⃣估唔到連沙爹牛肉都有，但當然唔係港式果種，牛肉大片靚料，沙爹同蕃茄湯底都超濃，茄湯嘅燒雞都外脆內嫩。

🥓串燒
🥢岩鹽燒鹿兒島A5和牛串 ($58)
🥢串燒牛舌 ($49) 🥢串燒雞皮 ($34)
串燒都係呢到招牌，選擇真係多得誇張，而呢3串都係油脂特別重，入口肥美，雞尾捲起燒出邊少見，脆香爆油超邪惡。

🥢鹽燒日本博多雞尾串 ($40)
🥢鹽燒日本雞肩肉串 ($45)
🥢日本雞胸軟骨串 ($42)
🥢黑松露蝦膠滑豬腩串 ($49)
🥢燒白鱔 ($56)
而呢到作為日式串燒，當然仲有唔同燒鳥部位，雞尾呢啲都係一咬爆油香，白鱔都脆皮肥嫩，超值得叫。

-
大門橫丁 @daimonyokocho
🗺️尖沙咀厚福街9號地下
📞2394 4335
❇️開到凌晨一點，仲要宵夜時段(好似9點後)有特價！

生活