哥迪奥拿： 同之前情況一樣 我哋係清白 我向你保證自己比起以前任何時候更想留係曼城

曼城西班牙🇪🇸教練哥迪奧拿接受訪問就話「我哋認為球隊有好律師，我亦都會捍衞球隊位置，時間可以令到我哋睇到之後發生咩事，就好似同之前歐洲足協情況一樣，我哋係清白。如果真係受到懲罰，我哋都會返嚟；如果要降班去到低組別聯賽，我都無問題😎。」
哥迪奧拿仲話「我唔會離開呢個位置，我向你保證自己比起以前任何時候都更加想留返係球隊，我係英超呢個聯賽留咗好多年，我唔想離開啦🤣。」

哥迪奧拿最後就話「面對英超其他19隊球隊，我哋係孤獨，呢樣可以肯定，而我哋一定要同以前一樣擊敗阿士東維拉，因為其他球隊唔會幫到我哋。我哋上季贏到英超冠軍，我哋可以證明自己嘅清白😂。」

▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/