陳家樂將於下月結婚迎娶連詩雅(Shiga),今日他到馬場出席活動時,透露籌備婚禮進度良好,宣布婚期後,獲不少贊助商主動贊助,幾日後便過大禮,直至婚禮前會暫停拍劇及拍戲工作,現時要積極修身,與Shiga一起做運動。他又自爆未婚妻減肥走火入魔,瘦到我見猶憐。
今日出席馬場活動的陳家樂,被問到為何不與未婚妻一齊出席,他解釋大家所屬的公司不同,各有不同工作,希望日後有機會一齊以夫妻檔亮相。「真係未試過(情侶檔做活動),雖然有人斟過,但因為時間同價錢傾唔啱。」
提到婚禮準備情況,陳家樂透露自宣布婚禮日子之後,獲得不少贊助商主動接洽,發現不同地方都可加入這些細節,現已重新策劃,並交由未婚妻及婚禮策劃師負責。他又說現在仍未定好邀請的賓客人數,所以遲遲未能派帖,原本打算邀請180人,之後加至200人,到最近加至240人,估計人數有增無減。
陳家樂表示,直至婚禮前都會暫停拍劇及拍戲工作,現時要積極修身:「因為着西裝肥少少就唔好睇。我會同Shiga一齊做運動,佢有少少病態,瘦到我見猶憐,我媽媽同嫲嫲都好擔心佢太瘦,經常叫佢食多啲,但佢有啲減肥減上癮,所以我都要跟上佢步伐,努力Keep Fit。」
留言 6
B
減肥減到上圍唔需要爸爸幫手托住了
2023年03月19日22:37
藍鈴
佢面型唔著數唔廋過頭唔上鏡。人見鎖骨但面重肥肥地。
2023年03月20日01:53
Candy
皮包骨叫靚?真係唔識欣賞😓
2023年04月01日11:32
蒼龍
喜愛夜蒲-玩殘玩爛上岸。
2023年03月21日09:32
戀慕
恐怖
2023年03月20日02:36
顯示全部