（圖片來源：陳小娟Facebook)
2019年憑《淪落人》提名最佳導演與最佳編劇，並勇奪新晉導演的陳小娟，近日於社交平台揭露身為編劇的辛酸往事。
其中一單為近年發生的往事，陳小娟文中透露《淪落人》上映之後（亦即時間線為2019年之後）有一位年輕廣告導演邀請她於自己首套電視劇當中幫忙做編審，由於題材關係，一些設定與邏輯，編劇團隊花了不少時間設計好角色與每集內容。而導演突然有日希望十集劇本盡快寫完，這樣才能拿到製作費開始前期工作。陳小娟表示自己理解情況，雖然有盡快趕稿但事前聲明此稿不能落實，因為細節上尚未修正。
當時陳小娟正值懷孕期，都聯同兩位編劇不眠不休趕起十集劇本。但當導演得到其製作費時，卻將事前聲明不能落實的第一稿逐頁挑剔為垃圾。陳小娟更表示當時「嬲到宮縮」，及後陳小娟就離開團隊，但導演仍借用其名搵景，她得知後亦有告知此創作不能再列其名字。
直至劇集播出之後，陳小娟表示反應不俗，雖然難以一一計算同時自己並未看完整套劇集，但陳小娟表示劇集依然沿用不少當時構思過的創作，此後她便再沒有為人寫劇本，並概嘆︰「因為編劇喺香港真係好卑微。」
陳小娟繼《淪落人》之後下一套執導作品為《虎毒不》，早前作品入選「HAF邁進康城計劃」，亦獲得香港地區製作中（WIP）項目大獎，作品將講述一個家庭嚴重失衡的育兒經歷，一位母親如何在丈夫缺席於家庭當中之下養育一對龍鳳胎。
陳小娟帖文全文如下︰
看似一帆風順背後的坎坷事跡 003
呢件事冇咁陳年
第一套戲上左畫後有一個年輕廣告導演邀請我幫手做編審開佢第一套劇
題材幾有趣就加入左
因為個題材關係
一定要度清楚啲設定同logic
所以整左故事嘅flow 我地編劇團隊花左好多時間度
果陣角色同每集內容先剛剛設計好
有一日導演請我幫幫手
Chur 少少出哂十集嘅劇本先
咁佢先可以拎到製作費開始做前期
我拍開野都明
我同佢講我地通宵趕俾佢都得
但因為好多細節未度哂
所以佢唔可以拎住呢稿黎同我地傾
呢稿你當係假嘅
我作為編審唔夠時間逐集修正
佢都答應左
我地3個人努力不眠不休趕起
果陣我仲要大肚都趕俾佢
點知佢拎到需要嘅製作費之後
突然話要開會
拎住我地嘅第一稿which 即係協議左嘅假稿
逐頁挑剔逐頁話係垃圾
我嬲到宮縮
我地仆心仆命為你
你咁樣反口
然後我就離開左團隊
後來仲有friend 話我知佢地仲用我個名去搵景
我同佢地講唔可以再落我名
諗返其實幾蠢
因為我都只收左頭一兩期錢
劇集出街見到都沿用幾多我果陣度同寫嘅野
當然都好難一一去計而且我都冇睇哂
劇集反應唔錯
但我之後都冇再幫人寫劇本
因為編劇喺香港真係好卑微
▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D
留言 0