巴黎奧運︱蔡俊彥一句希望對手「觸發舊患」惹批評　網民反指與好友Edan一樣有喜感

今屆奧運在ViuTV擔任旁述的劍擊運動員蔡俊彥（Ryan），日前被網民批評說話「甩甩咳咳」兼發夢，令花劍「大師兄」張小倫不忍為其出頭，呼籲尊重在電視台做旁述的運動員。Ryan 昨在劍神張家朗爭取衛冕時的賽事，又「講錯嘢」，指希望其對手「觸發舊患」，引起爭議。

Ryan在張家朗於16強比賽時，對手國家隊莫梓維時一度疑似右腳受傷，Ryan 則表示知道他本身有舊患，說出一句：「希望就觸發到（舊患）啦」，即時引來批評。

當發現被批評後，他亦即時在社交平台 threads 致歉：「對唔住講到好似同 friend 傾計（偈）咁，係到（喺喥）嘴炮對手，絕對唔應該咒對手受傷。並無此意，會注意表達方式」，「不是口誤但非心底話，只是與朋友之間非常低俗的笑話，不應展示在電視節目中，非常抱歉」。

他亦在節目中表示，自己與莫梓維其實是好友：「我已經私下message咗佢，同佢講對唔住，希望遲啲佢來到香港可以帶佢唱K食餐飯補返數。」。

雖然有人批評，但亦有不少網民認為他「口直心快」，可愛又有喜感。有人提到「觀乎蔡俊彥不斷控制自己唔好再講錯野，有啲明白，佢平時應該好易亂講野好好笑」。

更有人在網上為他製作「Ryanchoi 奧運旁述金句精選合集」，將他旁述時的搞笑金句一一列出，包括：「波膽咁易中，啲賭檔好快執笠啦」、「我睇就係日本選手得分嘅，希望裁判冇睇清楚啦⋯⋯ 哎呀，佢有睇清楚喎」、「「我對佢（Macchi）最深印象係每當我哋試劍嘅時候，佢係會大q力捅架」。

Ryan與男團MIRROR隊員Edan 呂爵安份屬好友，更是大學室友，有網民更笑言：「我終於明點解你同Edan 可以共處一室」。