請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

香港估估吓:TVB唯一特撮英雄係佢……

on.cc 東網 更新於 2019年04月28日00:00 • 發布於 2019年04月28日00:00 • on.cc 東網
香港估估吓:TVB唯一特撮英雄係佢……(互聯網)
香港估估吓:TVB唯一特撮英雄係佢……(互聯網)
張午郎星途欠佳,不過後期在不少港產片也有演出機會。(互聯網)
張午郎星途欠佳,不過後期在不少港產片也有演出機會。(互聯網)
李家鼎和施明都有演出此劇。(資料圖片)
李家鼎和施明都有演出此劇。(資料圖片)
吳耀漢在劇中飾演笑怪。(資料圖片)
吳耀漢在劇中飾演笑怪。(資料圖片)
關鍵和上官玉亦有演出此劇。(資料圖片)
關鍵和上官玉亦有演出此劇。(資料圖片)

《復仇4》日日洗版,證明大家都係鍾意超級英雄嘅!美國有超級英雄,日本又有特撮英雄,咁香港又有無呢?答案係有嘅,美式超級英雄有蔡少芬主演嘅《飛女正傳》(都算啩),日式特撮英雄一樣有,一次咁多,仲要係腰斬收場,陰功!

呢套劇,就係1976年播出嘅《銀光2000》,係喺《歡樂今宵》時段內播放,每集只播15分鐘,不過主打小朋友的劇集竟放在9點幾播(當年9點幾係好夜架啦),反應欠佳,只播了四集就腰斬了,因此現存的資料少之又少,只靠大家口耳相傳,成為一個「都市傳說」。

飾演「銀光2000」的是張午郞,他在七十年代本來為呂奇拍風月片,後來加盟TVB,可惜發展欠佳,到了九十年代初,還在港產片做「反派」角色。

銀光2000個基地位於電油站地底,仲有個博士負責收集情報,並發明好多武器畀銀光 2000!張午郎在劇中就係以電油站工人亞明身份作掩飾,戴超誇張近視眼鏡,平日論論盡盡,每次變身,都是靠一條變身腰帶,並且跳上半空翻跟斗……好有幪面超人影子囉!變身之後叫銀光 2000,造型係一件過夾乸衣,全件銀色,有條頸巾飄吓飄吓,仲有架專用跑車。

佢嘅好拍檔兼助手就係亞花,由自稱有「陰陽眼」嘅施明飾演,平日喺電油站做收銀,變身之後叫藍鳥,成個人都性感晒,而記憶力超強,非常聰明。

至於奸角佢叫魔鬼博士,有一男一女助手,每次佢諗到啲計劃,都會喺自己副啤牌度抽一隻,每隻牌代表一名手下,就由呢位手下去執行任務,一副牌有 54 隻(包括 2 隻小丑),照理可以播五十幾集,可惜出得四張牌就玩完咗啦!

飾演魔鬼博士其中一名手下就係李家鼎(即係施明前夫啦)、吳耀漢(扮演笑怪,以大笑聲去攻擊人類)、關鍵(隻手會變魔爪)同上官玉。

至於主題曲,就由譚炳文主唱:

「係夠機警,人智勇氣力強勁!

誓殺奸匪,要匪黨無一個剩。

出招夠精,出手夠醒,

虎虎勇威,佢次次獲勝,

佢一生戰斗魔星。

係夠機警,人智勇氣力強勁!

誓殺奸匪,要匪黨無一個剩。」

東網網站 : https://on.cc/

東網Facebook專頁 : https://www.facebook.com/onccnews/

查看原始文章