湯盈盈喺上一輯《美女廚房》被封為地獄廚神！想當年佢煮嗰個「韓式海鮮粉絲泡蛋」，被方力申、梁漢文笑指燶到似副黑超！美女廚師Kit笑話：「湯盈盈同周家蔚嘅傑作帶領咗飲食潮流-黑炭料理」洪天明仲話：「錢嘉樂打比我叫我加分！」湯盈盈先唔洗做地獄廚神，但佢嘅廚藝就有目共睹喇！
呢一輯，湯盈盈再次上《美女廚房》，今次一雪前恥，獲嘉賓主持一致讚賞，令佢感動流淚！本身喺第二個試食環節，佢有機會同女神張曦雯一樣攞爆分，不過關楚耀偏心Kelly，扣咗湯盈盈1分！不過就獲得啊Bob肯定，話：「湯盈盈真係入得廚房，出得廳堂！」
睇得出，湯盈盈喺生咗小朋友之後，努力進修廚藝，即使係第一次炸魚，都整得有板有眼，成功起到塊完整嘅魚皮！主持都話：「睇得出佢（湯盈盈）做足功課，一開始已經諗好點樣整，抵讚！」
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0