唔夠一個月又到中秋節啦，大家有冇諗過今年中秋節點過呢？除咗去公園玩燈籠、食月餅同賞月之外，其實仲有好多有趣嘅活動可以參加，唔想年年中秋節都係食月餅賞月，就可以參加中秋節BBQ露營Party！屆時會有一連串活動，包括放紙燈船、DIY燈籠工作坊、2小時Live Band表演等，想過一個與別不同嘅中秋節，千祈唔好錯過啦！
圖片來源︰Holimood｜撰文︰Sharon
9月21日就係中秋節，想過一個有氣氛嘅中秋節就可以考慮呢個「中秋月圓BBQ露營派對」，成班朋友可以邊玩燈籠、一邊聽住音樂再燒嘢食，一定好有中秋節氣氛！家長亦都可以帶埋小朋友一齊玩，除咗Day Camp，仲有兩日一夜嘅體驗，提供汽車露營區、野外露營區同印第安營畀大家選擇，呢度都好歡迎大家帶埋寵物入場，而家一齊跟小編睇下有咩好玩啦！
1. 紙船燈
參加者將自己嘅願望寫落紙燈船上面，點起蠟燭，再喺湖泊上放上紙燈船。到時成條湖泊都有紙船燈，一定超浪漫！
2. DIY燈籠工作坊
中秋節食月餅賞月之外，最重要當然係玩燈籠，場地設有一個DIY燈籠工作坊，大家可以發揮創意，裝飾自己嘅燈籠，仲可以拎翻屋企添！相信呢個活動必定會受小朋友歡迎，父母亦都可以透過親子活動，增進彼此之間嘅感覺。
3. BBQ
呢個露營嘅焦點點少得BBQ呢，成班朋友或者一家人可以圍著一齊燒野食，仲可以任食任燒，套餐包括秘製雞翼、肉扒、串燒及丸類，真係抵到爛！呢度仲有專人幫大家燒野食，唔想自己落手就可以揾人幫手，啱晒懶人啊！
4. 2小時Live Band表演
晚上設有2小時Live Band表演，大家可以燒住野食聽Live Band表演，真係勁Chill！
另外，營區提供日營同兩日一夜露營體驗，分咗三個營區，讓大家自行選擇，包括A Zone 汽車露營區、B Zone 野外露營區，K Zone 豪華印第安露營區。
1. A Zone 汽車露營區
汽車露營區有7個營位提供，客人可以將自己嘅車駛入營地，停喺營位旁，但記得須自攜營帳及露營用品。
【INFO】
日營收費如下︰
日營時間：6:30pm – 10:30pm
日營收費：小童 (12歲或以下)每位港幣$280、成人每位港幣$420
2日1夜體驗收費如下︰
時間：3:00pm – 翌日12:00nn
收費：另加港幣$220 (大小同價)
*可另加$250把自己的汽車停泊在營地草地上
2. B Zone野外露營區
野外露營區有15個營位，最特別係可以樹底下露營，感覺十分特別！
【INFO】
日營收費如下︰
時間：6:30pm – 10:30pm
收費：小童 (12歲或以下) 每位港幣$280、成人每位港幣$420
2日1夜體驗收費如下︰
時間：3:00pm – 翌日12:00nn
收費：另加港幣$220 (大小同價)
3. K Zone 豪華印第安露營區
全港首創嘅露營區，配有獨立冷氣，可以更舒服體驗露營，只供選擇2日1夜體驗嘅客人選擇。設有Small Size同Large Size，予二人同四人使用，提供咗氣墊床、花布、復古營燈、露營⽊枱⽊櫈同、串燈畀大家。
【INFO】
Small Size收費如下：
時間：3:00pm – 翌日12:00nn
收費：每個營位港幣$1800 (已包2人入場費及供2人使用)
*如額外有小童(12歲或以下)入住，需另收取入場費用（每位$500）
*每個營位入住人數上限為2位大人及2位小童(12歲或以下)
*第三及第四位客人需自攜營帳、睡袋及露營用品
Large Size收費如下：
時間：3:00pm – 翌日12:00nn
收費：每個營位港幣$3600 (已包4人入場費及供4人使用)
咁精彩嘅Party，快啲約齊朋友一齊參加啦！
【INFO】
WeCamp X Holimood 中秋月圓BBQ露營派對（按此預訂）
日期︰9月21日
售價︰$280起
留言 0